હું સાવ ખાલીખમ કોડિયું
તમે ઝળહળતી રે જ્યોત,
હું સાવ અબુધ-અજ્ઞાની
તમે હીર-ઝવરાતનું પોત.
પંથ સૂઝે ના મંઝિલ
અડાબીડમાં ભટકું,
માર્ગ વચાળે માયા ઊભી
દોર વગર હું લટકું;
હું સાવ કોરોકટ ભાઠો
તમે અમરત કેરું સ્રોત.
ઘટઘટ પીધાં વ્હાલ
કેમ ના પ્યાસ બૂઝાતી,
હશે કૈં જનમના ઘાવ
પીડ આ ક્યાંથી રૂઝાતી;
હું સાવ નિરાધાર થૈ બેઠો
તમે જીવન આપો કે મોત;
હું સાવ ખાલીખમ કોડિયું
તમે ઝળહળતી રે જ્યોત.
– હરીશ પંડ્યા
*****
બાળકોને પુસ્તકો સાથે ચોંટાડી રાખવાને બદલે હું તો તેને કામ કરતું કરી દઉં. તેના હાથ કામકાજ કરવા લાગે અને તેની સાથે તેનું મન પણ વિકસિત થાય. બાળકના હાથમાં પણ મગજ હોય છે.
– મહાત્મા ગાંધી
Total Views: 130
Your Content Goes Here
